Əsrarəngiz təbiəti ilə göz oxşayan Laçının qış mövsümündə daha bir maraqlı görüntü müşahidə olunub. Ağ örpəyə bürünən Laçın-Şuşa yolunda görülən cüyürlər diqqət cəlb edib.

Axar.az Azərtac-a istinadən xəbər verir ki, maraqlı görüntülər Laçın-Şuşa dolama yolunda qeydə alınıb. Yol boyunca qaçan cüyürlərin hərəkəti maraqlı anlara səbəb olub. Onlar bir müddət yol ilə qaçdıqdan sonra dağa tərəf qalxaraq gözdən itiblər.

Gözəl təbiəti və mənzərəli relyefi ilə olan Laçın zəngin flora və faunaya malikdir. Laçın təbiətində, qonur ayı, canavar, adi tülkü, çaqqal, qayakeçisi və ya bezoar keçisi, ceyran, maral, cüyür, qaban, İran sincabı, süleysin və məməlilər sinfinə daxil olan bir çox heyvana rast gəlinir.