Azərbaycan Xarici İşlər Nazirliyi (XİN) faciəvi məktəb atışmasına görə Kanadaya başsağlığı verib.

Axar.az xəbər verir ki, bu barədə nazirliyin X sosial media hesabında paylaşım edilib.

"Biz Kanadada, Tambler Ricdə (Tumbler Ridge) baş vermiş faciəvi məktəb atışmasından dərin kədərlənirik. Bu çətin vaxtda qurbanların ailələrinə və yaxınlarına, eləcə də Kanada hökumətinə və xalqına səmimi başsağlığı diləyirik. Düşüncələrimiz həmçinin yaralananlarla birlikdədir və onlara tez və tam sağalmağı arzulayırıq", - paylaşımda qeyd olunub.

Qeyd edək ki, Kanadanın Britaniya Kolumbiyası əyalətində yerləşən Tambler-Ric şəhərindəki orta təhsil müəssisəsində baş verən atışmada hücumu təşkil edən şəxs də daxil olmaqla, ən azı 10 nəfər ölüb, 25 nəfər yaralanıb.