Regional nəqliyyat qovşaqlarında qonşularla yaxşı münasibətlər olmalıdır.

Axar.az xəbər verir ki, bunu Prezident İlham Əliyev Münxen Təhlükəsizlik Konfransı çərçivəsində "Açıq dəhliz siyasəti? Trans-Xəzər əməkdaşlığının dərinləşdirilməsi" mövzusunda baş tutan panel müzakirəsində deyib.

Prezident qeyd edib ki, Azərbaycan fiziki infrastruktura sərmayələr yatırıb:

"Birmənalı olaraq regional nəqliyyat qovşaqlarında qonşularla yaxşı münasibətlər olmalıdır. Burada Qərb və Şərq baxımından Azərbaycan buna çalışır".

Dövlət başçısı vurğulayıb ki, Azərbaycanın coğrafi mövqeyi üstünlükdür, lakin müvafiq infrastruktur olmasa, bunun mənası hiss edilməz:

"Azərbaycan ərazisi ilə 100 mindən artıq TEO yüklər daşınıb, həcmin artırılması nəzərdə tutulur. Dəniz limanlarımızın inkişafına sərmayələr yatırmışıq".

Prezident bildirib ki, Azərbaycan öz ərazisində dəmir yollarının tikintisinə sərmayələr yatırır:

"Yeni çəkiləcək və bərpa olunacaq dəmir yollarının uzunluğu 600 km olacaq. Bu, Azərbaycanın əsas hissəsində və Naxçıvan eksklavında olacaq infrastrukturdur. Ermənistan ərazisində isə 40 km məsafə olacaq. Bunlar həyata keçirilən kimi Orta dəhlizlə iki marşrut olacaq".