İranda amerikayönümlü hökumətin qurulmasının nəticələri bunlar olacaq: neft və qaz qiymətlərinin kəskin düşüşü, ölkəmizin geostrateji mövqeyinin zəifləməsi, kürdlərin üsyana qalxaraq İrandakı Azərbaycan torpaqlarını ələ keçirməsi. Qısacası, belə bir hökumətin bizə heç bir xeyri olmayacaq.

Axar.az xəbər verir ki, bu sözləri beynəlxalq hüquq üzrə professor, vəkil Fərhad Mehdiyev deyib.

“Ümumiyyətlə ABŞ, ya da Trampın hansısa xalqı xilas edəcəyi missiyası sadəlövh insanlar üçün nağıl və öz milli maraqları üçün bir bəhanədir. İrana hücüm beynəlxalq hüquqa da ziddir. Lakin Qəzzada müharibə cinayətləri törədən İsrail beynəlxalq hüquqa çətin ki, hörmət göstərə.

İrandan sonra Yaxın Şərqdə İsrailin tək rəqibi Türkiyə qalacaq. İsrail siyasətçiləri indidən Türkiyəni hədəf göstərirlər.

İndiyə qədər İran xalqını “xilas etməyə gələnlər” təqribən 300 mülki şəxsi öldürüb, 30-a yaxın mülki binanı dağıdıb, Tehranda bazara belə bomba atılıb”, - o bildirib.