Axar.az
Yuxarı

Axar.Az Logo

Jurnalistlər cəbhə bölgəsində - Video

Ana səhifə Gündəm
12 Punto 14 Punto 16 Punto 18 Punto

Bütün bunlar müasir gündəmdə ən vacib xəbərlərin izləndiyi, əldə olunduğu informasiya vasitələridir. Həmin informasiyaları çatdıran isə jurnalistlərdir. Məlumatların əldə olunması və əhaliyə çatdırılması heç də hər zaman asan başa gəlmir.

Gördüyünüz bu kadrlar jurnalistlərin üzləşdiyi çətin anlardan biridir. Müxtəlif məlumatların çatdırılması zamanı bəzən KİV nümayəndələri həyatlarını riskə atırlar. Təhlükəli zonalarda işləyən jurnalistlərin həyatlarını hər an itirə müxtəlif dərəcəli xəsarətlər ala bilərlər. Faktlarsa onu göstərir ki, bu cür hallarla rastlaşan jurnalistlər heç də az olmayıb. Və onların da əksəriyyəti KİV nümayəndələrinin ekstremal şəraitlərdə necə davranmalarını və təhlükəsizlik qaydalarını bilməmələrindən irəli gəlir.

Azərbaycanda da hərbi sahədən və ekstremal sahədən yazan jurnalistlər çoxdur. Lakin bu o demək deyil ki, həmin jurnalistlərin hamısı təhlükəsizlik qaydalarını bilirlər. Azərbaycan Respublikası Prezidentinin 2014-cü il sentyabrın 24-də imzaladığı "Cəbhəyanı zonada bəzi təhlükəsizlik tədbirləri" barədə sərəncamından sonra artıq iki ildir ki, Azərbaycanda jurnalistlər üçün müxtəlif təlimlər təşkil olunur. İlkin olaraq 2015-ci ildə baş tutmuş təlim zamanı jurnalistlər ekstremal şəraitlərdə davranış qaydalarının nəzəri biliklərini əldə ediblər.

"Dinc Dünya" araşdırma mərkəzinin təşkilatçılığı və Müdafiə Nazirliyinin dəstəyi ilə keçirilən bu ilki təlimdə isə bir sıra televiziya, qəzet, sayt və BDU-nun jurnalistika fakultəsinin tələbələri iştirak edib. 40 nəfərin iştirak etdiyi təlimə ilk olaraq MN-nin təlim mərkəzindən start verilib. Təlimin ilkin mərhələsində 40 nəfərlik heyət psixoloji baxımdan müvafiq testlərdən keçirilib.

Daha sonra təlim iştirakçıları iki qrupa bölünərək iyul və avqust aylarında Müdafiə Nazirliyinin hərbi hissə və təlim poliqonlarında təlimlərə cəlb olunublar. İlkin olaraq hər iki qrupa təlim zamanı tədris otaqlarında hərbi rejim, hərbi həyat, hərbidə davranış qaydaları, döyüş anında jurnalistin öz yerini müəyyən etmə qaydaları, mənəvi psixoloji hazırlıq, dövlət sirri, məxfilik və s. mövzularda nəzəri biliklərə yiyələniblər.

Bir həftəlik təlim çərçivəsində jurnalistlər döyüş meydanında yaralındıqda hər hansısa şəxs və ya hərbçi yaralandıqda onun döyüş bölgəsindən çıxarılması və ilkin tibbi yardımın göstərilməsi qaydaları ilə tanış olunub. Jurnalistlərə tibbi ləvazimatlarla və tibbi ləvazimatların olmadığı halda ilkin tibbi yardımın göstərilməsi qaydaları əyani olaraq göstərilib.

Daha sonra jurnalistlərə müharibə gedən ərazidə necə davranma qaydaları öyrədilib. Belə ki, təlimlərdə döyüş zamanı səngərlərdə hərəkət qaydaları, hədəfə çevrilməmək, atəşdən gizlənmək kimi həyatı önəm daşıyan dərslər keçilib. Həmçinin jurnalistlərin hərbi obyektdən toplamalı olduqları informasiyanı zabitdən, ümumiyyətlə döyüşçüdən necə alma qaydaları da öyrədilib. Təlim iştirakçılarına müstəsna hallarda- məsələn, döyüş zamanı tankın altında, üzərində çəkilişin aparılma qaydalarıda izah olunub.

Hər bir mübarizədə müxtəlif silahlardan istifadə edilir. İnformasiya müharibəsində jurnalistin silahı təbii ki, onun qələmi, kamerası, mikrafonu və fotoaparatıdır. Lakin bəzən elə hallar da yarana bilər ki, kimliyindən asılı olmayaraq hər kəs silahdan istifadə etmək məcburiyyətində qalar. Bu məqsədlə təlim zamanı hər iki qrupa müxtəlif silahlardan istifadə qaydaları da izah olunub. Silahlardan istifadə qaydaları izah olunduqdan sonra isə təlim iştirakçıları kalaşnikov avtomatından atış həyata keçiriblər. Döyüşdə qələbənin qazanmasına gətirib çıxaran ən önəmli döyüş vasitələrindən biri də təbii ki artilleriya vasitələridir. Bu məqsədlə təlim zamanı artilleriya silahlarından istifadə qaydaları və silahlar olan ərazidə mövqe tutma qaydaları da izah olunub.

Müharibə gedən istənilən məkanda- yaşayış yerləri, düzən və ya dağlıq ərazilərdə canlı qüvvəni və texnikanı məhv etmək üçün müxtəlif sürpriz partdladıcı qurğular quraşdırılır. Belə ərazilərdə ani ehtiyatsızlıq ölümlə nəticələnə bilər. Ona görə də media işçiləri də dəqiq məlumatı vaxtında toplamağı bacarmalıdır. Bunun üçün isə ilk növbədə minalanmış ərazilərdə irəliləmə və minalardan qorunma qaydalarını bilmək vacibdir.

"Ekstremal jurnalistlərin təcrübə poliqonu" adlı layihə çərçivəsində jurnalist və fotoqraflar həmçinin dağlıq ərazilərdə yaşamaq, yemək və su çatışmazlığı şəraitində vəziyyəti idarə etmək, odun təbii üsullarla necə əldə olunması kimi xüsusi qaydalarla da tanış olublar.

Hərbi hissələrdə 4 gün ərzində silahla davranış qaydalarından tutmuş, ən sadə məlumatlara qədər hər şeyi öyrənən hər iki qrupun üzvlərinin növbəti təlimləri isə meşədə keçirilib. Media işçiləri çadır quraraq səhra şəraitinə uyğun şəkildə 2 gün meşədə gecələyib. Jurnalistlər burada da müxtəlif biliklərə yiyələniblər. Hərbi vəzifəli şəxslər onlara meşə şəraitində kompas və ya kompassız istiqamətin müəyyənləşdirilməsini öyrədib, ac qaldıqda qida tələbatını ödəmək üçün hansı heyvan və bitkilərin yeyilməsi ilə bağlı xüsusi təlimatlar veriblər.

Meşə təlimləri zamanı ikinci qrupda təlim alan jurnalistləri daha ağır sınaqla üzləşiblər. Onlar öncədən təyin edilmiş 4 hədəfə çatmaq üçün dağa dırmanmalı olublar. Kompas vasitəsilə 5 km dağ yolu gedən media işçiləri hədəfləri taparaq, geri dönüblər. Təlimlər zamanı bir neçə jurnalist əsir götürülüblər. Bir müddət əsir kimi saxlanılan jurnalistlər sonradan sərbəst buraxılıblar. Bununla da onlar əsirlikdə davranış qaydaları ilə tanış olublar.

Təlim zamanı jurnalistlərin yerli sakinlərlə görüşləri də təşkil olunub. Görüş yerli əhali ilə davranış və məlumatların əldə edilməsi qaydalarının izahına həsr olunub. İki illik layihənin əsas məqsədinə gəlincə, Azərbaycanda ekstremal jurnalistikanın qaydalar bazasını yartmaqdır. Bu barədə məlumat verən layihənin müəllifi və rəhbəri Əlisafa Mehdiyev media nümayəndələrinə təhlükəli vəziyyətlərdə davranış qaydalarının öyrədilməsi baxımından belə təlimlərin xüsusi önəm daşıdığını qeyd edib.

Bütün bunlar jurnalistlərin formalaşması və yetişdirilməsi sahəsində olduqca əhəmiyyətlidir. Bəli, bir həftəlik hərbi rejimdən sonra mülki həyata geri dönəcək mətbuat işçilərinin təlimlər haqqında təəssüratları da maraqlıdır.

Bütün təlimlər başa çatdıqdan sonra isə Silahlı Qüvvələrin Təlim və Tədris Mərkəzində təlim alanların yaradıcılıq məhsullarının qiymətləndirilib. Daha sonra təlimin sonunda müdafiə nazirinin müavini və bir sıra tanınmış şəxslərin iştirakı ilə media işçilərinə diplomlar təqdim olunub.

Layihə rəhbərinin sözlərinə əsasən, belə tədbirlərin gələcəkdə digər güc strukturları ilə keçirilməsi nəzərdə tutulur. Ümid edirik ki, keçirilən təlimlərin hərbi sahədən yazan, məlumat verən jurnalistlər, gələcəkdə bu peşəyə yiyələnəcək tələbələr üçün faydalı olacaq. Və Azərbaycanda ekstremal şəraitlər üçün xüsusi jurnalist bazası formalaşacaq.

ARB TV

Tarix
2016.10.24 / 18:43
Müəllif
Axar.az
Şərhlər
Digər xəbərlər

Bakı ilə Moskva arasında kritik iclas

Mağazalardakı dəyişmə otaqlarından istifadə qadağan olundu

Repetitor xidmətləri ilə bağlı yeni tələblər bəlli oldu

Bərbər və gözəllik salonlarında fəaliyyət necə olacaq?

Ərdoğanın Şuşa səfəri göstərdi ki... - Erməni ekspert

Ərdoğan Ağdamdakı hərbçilərlə görüşdü - Foto

Ərdoğan Bakıda Türk şəhidliyini ziyarət etdi

Brayza: Şuşa Bəyannaməsində ən vacib maddə... - Video

Ərdoğandan məcburi köçkünlərə çağırış

Şuşa bəyanatı: Ankaranın möhtəşəm gedişi... - Trofimçuk

KULT
<>
Xəbər xətti
  
  
  
yatsan
Axar.az'da reklam Bağla
Reklam
Bize yazin Bağla