Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
20 Sentyabr 2020


"Xocalı ilə bağlı bu şəkil bütün dünyanı dolaşıb"

Ana səhifə Gündəm
12 Punto 14 Punto 16 Punto 18 Punto

Sankt-Peterburqda Xocalı soyqırımının 25-ci ildönümü ilə əlaqədar xatirə gecəsi keçirilib.

Baş konsulluğun mətbuat xidmətindən Axar.az-a bildiriblər ki, Azərbaycanın Sankt-Peterburqdakı Baş konsulluğu tərəfindən təşkil olunmuş gecəyə Rusiyanın ictimai və siyasi xadimləri, diaspor təşkilatlarının nümayəndələri, Azərbaycan xalqının dərdinə şərik olan insanlar toplaşıblar.

Tədbirdə baş konsul Sultan Qasımov çıxış edib. O, Azərbaycan xalqının tarixinə qanla yazılmış bu qorxunc faciədən danışaraq deyib: “25 il əvvəl – 1992-cı il fevralın 26-na keçən gecə Azərbaycanın Xocalı şəhərində dəhşətli faciə baş verib. Şəhər erməni silahlı birləşmələri tərəfindən işğal edilib, hücumdan əvvəl güclü top atəşinə tutulub. Nəticədə 613 nəfər qətlə yetirilib, 487 adam yaralanıb, 1275 sakin girov götürülüb, 197 xocalılı itkin düşüb. Dinc əhali xüsusi amansızlıqla məhv edilib. Bu, Azərbaycan xalqına qarşı əsl soyqırımı olub. Heydər Əliyev Fondunun vitse-prezidenti Leyla Əliyevanın təşəbbüsü ilə 2008-ci ildən “Xocalıya ədalət!” kampaniyasının keçirildiyini xatırladan diplomat qeyd edib ki, kampaniya beynəlxalq ictimaiyyəti Xocalı hadisələri barədə daha geniş məlumatlandırmaq məqsədi daşıyır. Xocalı soyqırımını onlarla ölkənin tanıdığını diqqətə çatdıran konsul tarixi gerçəkliyin düzgün əks etdirilməsi və bu qorxunc cinayəti törədənlərin mühakimə edilməsi baxımından bu kampaniyanın böyük əhəmiyyət daşıdığını vurğulayıb.

Sankt-Peterburqun Azərbaycan Milli-Mədəni Muxtariyyətinin sədri, Sankt-Peterburq qubernatorunun milli məsələlər üzrə müşaviri Vaqif Məmişov, tarixçi, kulturologiya doktoru Yuri Pompeyev, MDB-nin iştirakçısı olan ölkələrin Parlamentlərarası Assambleya Şurasının baş katibinin müavini, Azərbaycan Milli Məclisinin səlahiyyətli nümayəndəsi Aydın Cəfərov, general-leytenant, Rusiya Federasiyasının fəaliyyətdə olan 3-cü dərəcəli dövlət müşaviri Andrey Volox bildiriblər ki, gələcək nəsillər Xocalı faciəsini unutmamalıdırlar. Axı bu soyqırımı təkcə Azərbaycan xalqına qarşı deyil, bütün bəşəriyyətə qarşı törədilən cinayətdir.

Xocalı haqqında sənədli filmin kadrları tamaşaçıların ürəyini sızladıb. Azərbaycan Gənclər İttifaqının fəalları Leyla Cəlilova ilə Ləman Novruzovanın Xocalı barədə oxuduqları şeirlər səhnədən səslənəndə göz yaşlarını saxlamaq mümkün olmayıb. Azərbaycan Gənclər İttifaqının sədri Zakir Nəbizadə Xocalı cəhənnəmindən sağ çıxmış yaxın qohumu İlham Quliyevin fədakarlığı haqqında şəxsi hekayəsini danışıb. İlham Quliyevin qucağında uşaq olan fotoşəkli bütün dünyanı dolaşıb və faciənin rəmzlərindən birinə çevrilib.

Bu gecə bir daha xatırladıb ki, Xocalı faciəsi hər bir azərbaycanlının qəlbində yaşayır. Bu gün Sankt-Peterburqun və bütün dünyanın azərbaycanlıları milli soyqırımı və terrorizm faktlarını pisləmək çağırışı ilə dünya ölkələrinə və beynəlxalq təşkilatlara müraciət edirlər.

Tarix
2017.03.01 / 20:46
Müəllif
Axar.az
Şərhlər
Digər xəbərlər

İp Manna baxan, siyasətdən qaçan deputatımız...

Qarabağ danışıqları aparılmır - Gəncəliyev

O, qatı ermənipərəst idi, əlindən gələni edirdi ki... - Prezident

Ora Qələbə bayrağını Məcidov sancıb - Prezident

Prezident seçiləndən sonra demişdim ki... - Prezident

Bu qəsəbəyə özüm gedib baş çəkəcəyəm - Prezident

Kimsə nostalgiyaya görə keçmişi xatırlayırsa... - Prezident

Nazir yeni rəis təyin etdi

Qarabağı azad edəndən sonra bunları edəcəyik - Prezident

Sən Türkiyəni necə ittiham edə bilərsən?! - İlham Əliyev

KULT
<>
Xəbər xətti
 
  
  
  
  
yatsan
Axar.az'da reklam Bağla
Reklam
Bize yazin Bağla