"Azərbaycanın Avrasiya İttifaqına qoşulması Ermənistanın maraqlarına ziddir".

Axar.az xəbər verir ki, bu iddia ilə erməni mətbuatı çıxış edib.

Mətbuat Ermənistan rəhbərliyinin Azərbaycanın Avrasiya İttifaqının üzvü olması ilə bağlı fikrinin 180 dərəcə dəyişdiyini bildirib:

"Artaşes Qeqamyan Bakıda çıxışı zamanı Azərbaycanın Avrasiya İttifaqına qoşulmasının düzgün qərar olacağını bildirmişdi. O, belə olduğu təqdirdə Qarabağ münaqişəsinin həlli yolunun daha asanlaşacağını söyləmişdi. Qeqamyanın Serj Sərkisyanın razılığını alandan sonra belə bir bəyanatla çıxış etməsini güman etməmək mümkün deyil. Hər halda bunun əksini təsəvvür etmək də çətindir. Lakin indi hakimiyyətin səlahiyyətli şəxslərinin bu prinsipial məsələ ilə bağlı fikirlərinin 180 dərəcə dəyişdiyi məlum olur. Bu addımın atılmasına əsas səbəb isə Sərkisyanın Azərbaycanın Rusiya tərəfindən silahlandırılmasından narahat olmasıdır".