Ana səhifə Gündəm |
Azərbaycan Dəniz Balıq Sənayesi Kollecinin binası N.Tusi adına Pedaqoji Universitetin nəzdinə verilib.
Axar.az xəbər verir ki, 85 yaşlı tədris ocağı isə Xətai rayonunun N.Tusi küçəsindəki 62 saylı orta məktəbin binasına köçürülüb.
Bu yaxınlarda əsaslı təmirdən çıxan kollec binasının Pedaqoji Universitetə verilməsi pedaqoqlar tərəfindən birmənalı qarşılanmayıb.
Kollecin müəllimi Kərəm Məmmədov bunu Azərbaycan balıq vədəniz sənayesi üçün arzulanmaz sayıb:
"85 ildir di ki, kollec bu binada yerləşirdi. Burada dəniz və balıq sənayemiz üçün kadrlar hazırlanırdı. Bu məktəbin keçmişi var. Həm də yeni təmirdən çıxmışdı".
Pedaqoqun sözlərinə görə, dəyəri milyonlarla ölçülən avadanlıqların binadan çıxarılması mümkün deyil:
"Məktəbin binasında, təcrübə otaqlarında milyon manatlarla ölçülən avadanlıqlar var. Əyani dərs vəsaiti kimi istifadə olunan həmin avadanlıqların məktəbin binasından salamat çıxarılması mümkün deyil. Əgər avadanlıqları apara bilməsək, kollecin maddi-texniki bazası məhv olacaq".
Tarix
2014.08.30 / 09:55
|
Müəllif
Axar.az
|