Avropa rəhbərləri Ukrayna Prezidenti Vladimir Zelenski ilə Rusiya lideri Vladimir Putinin Türkiyədə mümkün görüşünü gözləməyə hazırdır.

Axar.az xəbər verir ki, bu barədə “Blumberq” mənbələrə istinadən məlumat yayıb.

“Mayın 12-də ABŞ və Avropa rəsmiləri arasında aparılan danışıqlardan sonra məlum oldu ki, Vaşinqton Putinə təzyiqləri artırmazdan əvvəl mayın 15-də Moskva və Kiyev arasında danışıqlara imkan yaratmaq istəyir. Putin Zelenski ilə görüşdən imtina edərsə və ya Rusiya cümə axşamı günü dərhal və qeyd-şərtsiz atəşkəslə razılaşmazsa, Avropa liderləri Trampı Moskvaya qarşı sanksiyalar tətbiq etmək hədəsinə əməl etməyə çağıracaq”, - məlumatda qeyd olunub.