Penitensiar müəssisələrdə Qurban bayramı tədbirləri davam edir.

Axar.az Ədliyyə Nazirliyi Penitensiar xidmətinin rəsmi saytına istinadən xəbər verir ki, oktyabrın 6-da Şəki Penitensiar müəssissəsində, İxtisaslaşdırılmış müalicə müəssisəsində, Tərbiyə müəssisəsində, 4, 7, 8, 12 və 15 saylı cəzaçəkmə müəssisələrində Qurban bayramı münasibəti ilə tədbirlər keçirilib.

Müəssisələrdə müxtəlif idman növləri üzrə yarışlar, incəsənət ustalarının iştirakı ilə konsert proqramları və bayram süfrələri təşkil olunub. Penitensiar xidmətin Baş idarəsinin məsul əməkdaşları və kütləvi informasiya vasitələrinin nümayəndələri bayram tədbirlərində iştirak ediblər