"Rusiyanın yüksək vəzifəlilərinin Bakıya gələrkən özləri ilə bərabər hərbi gəmi gətirmələri sadəcə reklamdır".

Bu sözləri Axar.az-a açıqlamasında rusiyalı politoloq Qriqori Trofimçuk deyib. O, Rusiyanın bu cür reklamları əlindən buraxmadığını bildirib:

"Rusiyanın ən yüksək vəzifəli rəsmilərinin Bakıya səfər edərkən özləri ilə Xəzərə hərbi gəmiləri gətirmələri sadəcə Moskvanın xarici opponentlərinə hərbi dəniz potensialını göstərmək istəyindən doğur. Bu, sadəcə olaraq Rusiyanın hərbi qüdrətinin praktiki olaraq heç bir xərc çəkilmədən reklam edilməsidir. Moskva bu şansı buraxmır. Bakının ünvanına isə burada heç bir güc nümayiş etdirmək fikri belə yoxdur. Moskva Azərbaycana özünün hərbi-siyasi opponenti kimi yanaşmır".

Qeyd edək ki, bir sıra mətbuat orqanı Kreml rəsmilərinin Azərbaycana hər gəlişi ilə Rusiya gəmilərinin Bakı buxtasına yan almasına diqqət ayırmışdılar. Putinin və Şoyqunun səfərinin rus hərbi gəmilərinin Bakıya daxil olması ilə müşayiəti müəyyən ehtimallara yol açmışdı.