Ana səhifə Gündəm |
Putin Paşinyanı Nazarbayev və Lukoşenkodan qorudu.
Axar.az xəbər verir ki, bu sözləri politoloq Elxan Şahinoğlu deyib. O bildirib ki, Kollektiv Təhlükəsizlik Müqaviləsi Təşkilatının (KTMT) Astanadakı son zirvə toplantısında Qazaxıstan Prezidenti Nursultan Nazarbayev qalan 1 ildə baş katibin Ermənistandan olmasına etiraz etmişdi:
“Onun bu etirazını Belarus Prezidenti Aleksandr Lukaşenko da dəstəkləmişdi. Ermənistanın baş nazir vəzifəsini icra edən Nikol Paşinyan Astanadakı toplantıdan İrəvana başıaşağı qayıtmışdı. Çünki KTMT-nin Sankt-Peterburqda dekabrın 6-da keçirilməsi planlaşdırılan növbəti toplantısında baş katibliyin Belarusa keçəcəyi faktiki razılaşdırılmışdı. Bircə Rusiya Prezidenti Vladimir Putin Qazaxıstanla Belarusun Ermənistanla qovğasına qarışmır, “müdrikcəsinə” susurdu”.
Politoloqun sözlərinə görə, Paşinyan Putinlə telefonla danışdığını və baş katib məsələsinin təxirə salınmasına nail olduğunu açıqladı:
“Bu Paşinyana ona görə lazımdır ki, rahat parlament seçkisini keçirsin. Çünki baş katib məsələsi Ermənistanda parlament seçkilərinə qədər həll olunsa, Paşinyanın mövqelərinə zərbə olacaq və müxalifət baş katibin dəyişməsini Paşiyanın əleyhinə istifadə edəcəkdir. Putin Paşinyanla razılaşıb və baş katib məsələsi təxirə salınıb. Başqa sözlə, Putin Paşinyana parlament seçkisini rahat keçirməyə şərait yaradıb”.
Qeyd edək ki, Paşinyan ötən gün açıqlamasında Putinin ona Sankt-Peterburq görüşünü ertələyə biləcəyi və baş katib seçkisinin keçirilməməsi barədə təkliflər verdiyini bildirib. Paşinyan qeyd edib ki, baş katib seçkisinin gələn ilə qalması barədə razılıq var.
Tarix
2018.12.03 / 23:04
|
Müəllif
Firuzə Vahidqızı
|