Axar.az
Yuxarı

Trampın ABŞ siyasətini darmadağın edən qərarı

Ana səhifə Gündəm
12 Punto 14 Punto 16 Punto 18 Punto

Trampın son qərarından sonra Yaxın Şərq Rusiya və İranın nəzarəti altına keçəcək.

Bunu Axar.az-a açıqlamasında sabiq dövlət müşaviri Qabil Hüseynli deyib. Politoloq bildirib ki, Trampın Yaxın Şərqlə bağlı son qərarı nəinki ABŞ-ı, eləcə də Ağ Ev rəhbərinin ətrafındakı yüksək çinli məmurları da heyrətə salıb:

“ABŞ-ın Suriyadan sonra Əfqanıstandan da ordusunu çıxarmağa hazırlaşması Vaşinqtonun indiyə qədər yeritdiyi prinsipial siyasətdən üz döndərməsi deməkdir. Trampın sözügedən qərarı birbaşa ABŞ-ın strateji maraqlarına ziddir. Çünki Trampın son qərarından sonra Yaxın Şərq Rusiya və İranın nəzarəti altına keçəcək. Bu, faktiki olaraq ABŞ-ın Yaxın Şərqdən sıxışdırılıb çıxarılmasıdır. Trampın yürütdüyü siyasət ABŞ-ın Yaxın Şərq ölkələri ətrafında ciddi surətdə lənətlənməsinə səbəb olacaq. Əslində, İraq Kürd Administrasiyasının rəhbəri Məsud Bərzaninin bu qərarı kürdlərin kürəyinə sancılmış xəncər kimi qiymətləndirməsi heç də təsadüfi deyil”.

Politoloq qeyd edib ki, ABŞ-ın Suriyadan qəfil çıxması bu ölkədə mübarizəni daha da gərginləşdirəcək:

“ABŞ artıq neçənci dəfədir ki, qarışıqlıq yaratdığı ölkədən qəfil çıxmaqla bölgədəki siyasi qarşıdurmaları körükləyir. Bu qeyri-müəyyən vəziyyət müharibədən sonra yerlə-yeksan olmuş Suriyada ümummili sazişin imzalanmasını, yeni Konstitusiyanın hazırlanmasını və onun ətrafında ədalətli seçkilərin keçirilməsini mümkünsüz edəcək”.

Q.Hüseynli Trampın Suriya ilə bağlı qərarının birmənalı qarşılanmayacağını, ABŞ-ı ciddi silkələyəcəyini düşünür:

“Qərar icra edilənədək ABŞ-da onun əleyhdarları artacaq. Mettisin vəzifədən getməsi də məhz buna işarədir”.

Qeyd edək ki, Donald Tramp ABŞ ordusunun bir hissəsinin Əfqanıstandan çıxarılmasına dair də tapşırıq verib. Belə ki, Əfqanıstandakı ABŞ ordusunun sayının yaxın zamanlarda 7 min nəfərə qədər azaldılması gözlənilir.

Ötən gün isə Tramp ABŞ hərbçilərinin Suriyadan çıxarılması haqqında qərar verdiyini təsdiqləyib.

Tarix
2018.12.21 / 15:02
Müəllif
Aygün Yusibova
Şərhlər
Digər xəbərlər

Şevçenko: Artıq "dqr" hökuməti İrəvana mühacirət edə bilər

İranla dövlət sərhədimiz tam bərpa olundu

Qarabağda daha bir erməni idmançı məhv edildi

Semyon Peqov Qarabağdan qaçdı

Qarabağ savaşı: Nikol kimə neçə dəfə zəng edib? - Siyahı

Ordumuz bu gecə ağır zərbə endirdi - Ermənistandan etiraf

“Dağlıq Qarabağ” adlı ərazi bölgüsü artıq yoxdur - Zülfüqarov

Özbəkistan mediası Gəncə terrorundan yazır

Daha bir ölkədə Gəncə ilə bağlı xatirə guşəsi... - Foto

Ermənistan şəhərləri raket atəşinə tutur - Güldərə

KULT
<>
Xəbər xətti
 
  
  
  
yatsan
Axar.az'da reklam Bağla
Reklam
Bize yazin Bağla