Ana səhifə Gündəm |
"Azər-Türk Bank" ASC səhmdarlarının növbədənkənar ümumi yığıncağında bankın ali idaretmə orqanlarının yeni tərkibi seçilib.
Axar.az xəbər verir ki, Müşahidə Şurasına Famil İsmayılov sədr, Samir Nəsibov və Müğdət İsmayılov üzv seçiliblər. Audit Komitəsinə seçkini isə Fuad Gəncəliyev qazanıb.
Üç nəfərdən ibarət olan İdarə Heyəti və sədri də yenilənib. Elmar Məmməd oğlu Məmmədov İdarə Heyətinin sədri seçilib. Fərhad Əsgər oğlu Adıgözəlov və və Rumiyyə Ağacəfər qızı Məmmədova isə sədr müavini olaraq təsdiqləniblər.
Qeyd edək ki, "Azər-Türk Bank"da bu dəyişiklik Mərkəzi Bankın nizamnamə kapitalını 5- milyona qaldırmaqla bağlı tələbidir. Banklar ya bu tələbi yerinə yetirməli, ya digər bankla birləşməli, ya da başqa fəaliyyətlə məşğul olmalıdırlar.
Səhmdarların iclasında ilin sonuna qədər "Azər-Türk Bank"ın
nizamnamə kapitalının 50 milyon manata çatdırılması da qərara
alınıb. Başqa sözlə desək, bank öz fəaliyyətini qorumaq üçün
səfərbər olunub.
Xatırladaq ki, "Azər-Türk Bank"ın yeni sədri Elmar Məmmədov 1969-cu
ildə doğulub, ixtisasca iqtisadçı və hüquqşünasdır. 1995-2004-cü
illərdə Beynəlxalq Bankın Əməliyyat idarəsinin rəisi, Səbail
filialının rəhbəri işləyib. Daha sonra fəaliyyətini "Kapital
Bank"da davam etdirən E.Məmmədov 2005-ci ildən bankı sədr müavini,
2009-cu ildən isə sədri işləyib.
Elmar Məmmədov "Azərsığorta" Dövlət Şirkətinin rəhbəri Məmməd
Məmmədovun oğludur.
Tarix
2014.12.09 / 21:14
|
Müəllif
Axar.az
|