Ermənistan Baş naziri Nikol Paşinyan ümumerməni konsensusunun 6 bəndini yayımlayıb.

Axar.az xəbər verir ki, bu maddələri Paşinyan Feysbuk səhifəsində paylaşıb.

Baş nazirin paylaşdığı maddələr sırasında güc tətbiqindən istənilən daxili məsələlərin həllində alət kimi istifadə edilməsinin istisnası, xalqın iradəsinin hakimiyyətin formalaşdırılmasının yeganə mənbəyi olması, xarici oyunçuların daxili məsələlərin həllinə buraxılmaması, xarici maraqların təmsilçilərinə sərt müqavimətin göstərilməsi, Ermənistan və Qarabağın korrupsiyadan, proteksionizmdən, süni monopoliyadan azad olunması, qanunun aliliyinin təmin edilməsi kimi məsələlər yer alıb.

Konsensusun son maddəsi Qarabağ konfliktinin həlli ilə bağlı olub. Belə ki, bu maddədə bildirilib ki, Qarabağın həlliylə bağlı danışıqların hədəfi müharibədə əldə edilmiş nəticələrin qorunub saxlanılması olmalıdır.