"Azərbaycan "Nyu York Tayms qəzetinin əməkdaşlarına viza verib".

Bu barədə Axar.az-a Xarici İşlər Nazirliyinin Mətbuat Xidmətinin rəhbəri Hikmət Hacıyev məlumat verib.

O, qəzet əməkdaşlarının tam olaraq Azərbaycan qanunlarına riayət etdiyini bildirib:

"Azərbaycan Respublikasının qanunlarına riayət edərək, "Nyu York Tayms" qəzetinin əməkdaşları tərəfindən Ermənistan-Azərbaycan münaqişəsi haqqında reportaj hazırlamaq məqsədilə Azərbaycan Respublikasının Ermənistan tərəfindən işğal edilmiş ərazilərinə səfər edilib. "Nyu York Tayms" tərəfindən səfər niyyəti barəsində əvvəlcədən Azərbaycana məlumat verilib, respublikamızının ərazisinə daxil olmaq üçün "Nyu York Tayms" əməkdaşlarına giriş vizası rəsmiləşdirilib və Azərbaycan Respublikası ərazisində, o cümlədən işğal olunmuş ərazilərdə jurnalist fəaliyyəti ilə məşğul olmaq üçün Xarici İşlər Nazirliyi tərəfindən müvafiq akkreditasiya kartı verilib".