Azərbaycan, Rusiya və Qazaxıstanın iştirakı ilə Xəzəryanı dövlətlərin HDQ-nin ilk üçtərəfli beynəlxalq hərbi-dəniz təlimləri keçiriləcək.

Axar.az xəbər verir ki, Xəzəryanı dövlətlərin hərbi dəniz qüvvələrinin üçtərəfli birgə təlimi 2015-ci ilin iyun-iyul aylarında Xəzər dənizinin orta hissəsində baş tutacaq.

Birgə təlim zamanı üç ölkənin HDQ-nin gəmi dəstələri dəniz kommunikasiyası və dəniz iqtisadiyyatı ərazilərinin mühafizəsini, eləcə də birgə üzgüçülük və manevri, dəniz, hava və sahil hədəflərinə artilleriya atəşlərini təklikdə və birgə yerinə yetirəcəklər.

Döyüş tapşırıqlarından əlavə gəmi heyəti axtarış-xilasetmə və qəzaya uğramış gəmiyə yardım əməliyyatlarını da həyata keçirəcək.