"Nəqliyyat naziri Ziya Məmmədovun "Azəryolservis" ASC-yə müvəqqəti sədr təyinatı yaxın zamanda qurumun ləğv ediləcəyi və Nəqliyyat Nazirliyinin balansına veriləcəyi ehtimalını yaradır".

Bu məlumatı Axar.az-a verən qaynağın sözlərinə görə, "Azəryolservis" ASC-nin sədrini prezident təyin edir:

"Keçmiş sədr Cavid Qurbanov da Prezident sərəncamı ilə "Azəryolservis" ASC vəzifəsindən alındı və yeni vəzifəyə təyin olundu. Yəni bu quruma sədr təyinatı birbaşa prezidentin sərəncamındadır. Ona görə də Ziya Məmmədovun müvəqqəti əvəzedici təyin etməsi qurumun gələcək müqəddəratının təyin edilməməsindən irəli gəlir".

Xatırladaq ki, nazirin əmri ilə "Azəryolservis"in əvəzedicisi təyin edilən Saleh Məmmədov əməkdar mühəndisdir.

S.Məmmədov 1975-ci ildə Azərbaycan İnşaat Mühəndisləri İnstitutunun İnşaat fakültəsinə daxil olub, 1980-ci ildə təhsilini başa vuraraq inşaat-mühəndis ixtisasına yiyələnib.

Uzun müddət yol təsərrüfatının müxtəlif qurumlarında mühəndislikdən rəis vəzifəsinədək yüksəlib. S.Məmmədov 2010-cu ildə "Tərəqqi" medalı ilə təltif olunub, 2012-ci ildə "Əməkdar mühəndis" fəxri adına layiq görülüb.