Sərhəddə tibbi yoxlanış işləri davam etdirilir. İkimərhələli yoxlama işləri aparılır.

Axar.az xəbər verir ki, bunu TƏBİB-in şöbə müdiri Yaqut Qarayeva Nazirlər Kabineti yanında Operativ Qərargahın koronavirusla bağlı keçirdiyi mətbuat konfransında deyib.

O bildirib ki, birinci yoxlanış mərhələsində şübhə aşkarlandıqda, xəstə ikinci mərhələdə yoxlanışa göndərilir: "İkinci mərhələdə də şübhə yarandıqda, karantinə alınır. İşçi qrupuna xüsusi qoruyucu vasitələr paylanılıb. Üç karantin xəstəxanamız var. Bunlar Qobustan, Astara və Cəlilabadda yerləşir".

Yeganə Qarayeva bildirib ki, tibbi işçi qrupu xəstə ilə ünsiyyətdə olan hər kəsi aşkarlayıb, karantinə alıb.

Xəstə sərhədi keçdikdən sonra ciddi rejimdə nəzarətə alınıb.