Azərbaycanın Ermənistana qaytardığı Yeqişe Gevorkyan və Ruzanne Mardanyana qarşı cinayət işi açılıb.

Axar.az xəbər verir ki, bu barədə informasiyanı Ermənistanın "epress.am" saytı yayıb.

Saytın məlumatına görə, hər iki şəxsə qarşı Ermənistan Cinayət Məcəlləsinin 329-cu - "Ermənistan Respublikasının qorunan dövlət sərhədlərini müəyyən edilmiş sənədlər olmadan" maddəsi üzər cinayət işi başladılıb.

Qeyd edək ki, bu ailə 2010-cu il yanvarın 10-da Ermənistandan Azərbaycana keçmişdilər. Ailə məhz buradan üçüncü ölkəyə getmək istəyirdi. Bakı bu ailəni Ermənistana 2014-cü ilin dekabrında geri qaytarmışdı.