Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
11 İyul 2020


Məhkəmə Ramillə bağlı bu səhvi etdi - Cəfəroğlu

Ana səhifə Gündəm
12 Punto 14 Punto 16 Punto 18 Punto

Avropa İnsan Haqları Məhkəməsinin Ramil Səfərovla bağlı qərarı qərəzlidir. Çünki o məhkəmə Ramil Səfərovdan əvvəl, Xocalıda soyqırım törədən və hələ də azadlıqda olan Zori Balayan, Serj Sərkisyan və başqa erməniləri cəzalandırmalıdır.

Bu sözləri Axar.az-a açıqlamasında hüquq müdafiəçisi Novella Cəfəroğlu Avropa İnsan Haqları Məhkəməsinin cari ilin 26 may tarixli “Makuçyan və Minasyan Azərbaycana və Macarıstana qarşı” qərarı haqda danışarkən deyib.

O qeyd edib ki, Avropa İnsan Haqları Məhkəməsi erməni zabitinin öldürülməsini araşdırmaqdansa, Xocalıda uşaqların, hamilə qadınların, qocaların xüsusi amansızlıqla öldürülməsini araşdırmalıdır:

“26 ildir ki, Azərbaycan torpaqları işğal altındadır. Bir milyondan çox vətəndaşımız öz torpaqlarından zorla çıxarılıb. Xocalıda, Laçında, Şuşada baş verən kütləvi qırğınlar bu gün də unudulmayıb. Xocalıda baş verən soyqırım isə tarixdə misli görünməmiş bir hadisədir. Xocalıda uşaqlar, qocalar, qadınlar xüsusi amansızlıqla öldürülüb. Ermənilərin Xocalıda və digər Azərbaycan rayonlarında törətdiyi qırğınlarla bağlı video-materiallar, dəlillər, sübutlar var. Bu gün öz torpaqlarından didərgin düşən azərbaycanlıların azı bir qohumu, ailə üzvü erməni vəhşiliyinin qurbanı olub. Avropa İnsan Haqları Məhkəməsi bu gün bu məsələləri araşdırıb, hüquqi qiymət verməlidir”.

N.Cəfəroğlu qeyd edib ki, Avropa İnsan Haqları Məhkəməsinin Ramil Səfərovla bağlı qəbul etdiyi qərarda çox ciddi hüquqi səhvlər var:

“Birincisi, R.Səfərov NATO proqramı çərçivəsində Macarıstana, hərbi təkmilləşmə kursuna göndərilmişdi. Bu proqram çərçivəsində göndərilən hərbçilər xüsusi seçilir və ilk növbədə, onların psixoloji vəziyyətləri yoxlanılır. Ramil Səfərov da, öldürülən erməni zabiti də həm öz ölkələrində, həm də NATO proqramı çərçivəsində psixoloji yoxlanışdan keçib. Əgər Ramil Səfərov hansısa bir insana xəsarət yetirəcək psixoloji vəziyyətdə idisə, nə üçün NATO proqramı çərçivəsində kurslara cəlb olunmuşdu? Digər bir nüans isə öldürülən erməni zabiti ilə bağlıdır. Onun ölümündə günahkar ilk növbədə özü, daha sonra isə Ermənistan rəhbərliyidir. Çünki belə bir psixoloji vəziyyətli şəxsi NATO proqramına göndərmək təkcə Ramil Səfərovla deyil, başqa bir zabitlə də bənzər problemin yaşanmasına gətirib çıxara bilərdi. Ramil Səfərovun əməli bir insanı cinayətə vadar etmə həddinə gətirmə olaraq qiymətləndirilməlidir”.

Qeyd edək ki, 26 may 2020-ci ildə Avropa Məhkəməsi Markaryan ailəsinin iddiası əsasında qərar elan edib. Qərarda Markaryan ailəsinin Azərbaycan və Macarıstan dövlətinin üzərinə öhdəlik qoymaqla bağlı tələblərindən imtina edilib. Buna baxmayaraq, R.Səfərovun ekstradisiyası və əfvi məsələsində beynəlxalq hüququn pozulması hallarının baş verdiyi qeyd edilib. Azərbaycana yalnız vəkil xərci olaraq qarşı tərəfə 15 min avro ödəmək məsuliyyəti qoyulub.

Tarix
2020.05.29 / 16:20
Müəllif
Turan Rzayev
Şərhlər
Digər xəbərlər

Prezident BNA-nın səlahiyyətlərini artırdı: 8 fərman...

ABŞ səfirliyi jurnalistika üzrə magistr proqramını elan etdi

Nazirlik yoluxan məhkumlarla bağlı məlumat yaydı

Sərhədimizə gələn “Qafqaz” yolu yenidən qurulur

BMT-də Əliyevin təşəbbüsü ilə müzakirələr başlanır - Lavrov

Karantin rejimi daha 60 gün uzadılacaq?

DİN: Sən kondisionerin altında çay içəndə... - Video

Ən təhlükəli azərbaycanlı haker: erməni ekspert ad çəkdi - Video

Onlar vətən xainləri və fərarilərdir – Mirzəbəyli

Ərdoğanın müşaviri: Rus kəşfiyyatı deyirdi ki, ermənilər... - Video

KULT
Xəbər xətti
 
  
  
  
  
yatsan
Axar.az'da reklam Bağla
Reklam
Bize yazin Bağla