Bu gün Azərbaycanın eks-prezidenti Ayaz Mütəllibovun doğum günüdür.

Axar.az-ın məlumatına görə, keçmiş prezidentin 77 yaşı tamam olur. Ayaz Niyazi oğlu Mütəllibov 12 may 1938–ci ildə Bakıda ziyalı ailəsində anadan olub. 1962–ci ildə Azərbaycan Neft-Kimya İnstitutunu bitirib. 1959-cu ildə Bakı Soyuducular Zavoduna işə girib və 19 il burada çalışıb. Adi işçi kimi fəaliyyətə başlayan Mütəllibov 26 yaşında ikən bu iri müəssisənin müdiri vəzifəsinə təyin olunub.

1974-cü ildə isə ona "Bakelektromaş" istehsalat birliyinin müdiri vəzifəsi həvalə edilib. 1977-ci ildə Bakı şəhəri Nərimanov Rayon Partiya Komitəsinin ikinci katibi seçilib. 1979-cu ildə respublikanın yerli sənaye naziri, 1982-ci ildə Azərbaycan SSR-in Dövlət Plan Komitəsinin sədri, eyni zamanda, Nazirlər Şurasının sədr müavini vəzifələrini tutub.

O, eks-prezidentlər haqqında qanundan sonra 2012-ci il iyulun 7-də xanımıyla birgə Moskvadan Bakıya dönüb.