Türkiyənin Cümhuriyyət Xalq Partiyasının (CHP) kanalı Xalq TV ölkənin Baş naziri Əhməd Davudoğlunu təhqir edib.

Axar.az xəbər verir ki, kanal Davudoğlunun "Balkon çıxışı" zamanı ekranın sol tərəfinə pinqvinlərdən bəhs edən sənədli film yerləşdirib.

Kanal bunu "Gəzinin uşaqlarının xatirəsinə" görə etdiyini açıqlayıb.

Qeyd edək ki, ötən gün Türkiyədə parlament seçkisi baş tutub. AKP bu seçkini qazansa da, ötən illərə nisbətən 7-10 faiz arası səs itirib.

Xatırladaq ki, 2013-cü ildə İstanbulda Gəzi parkının dağıdılmasına qarşı ölkədə etirazlar baş verib. Etirazçılar Rəcəb Tayyib Ərdoğan hökumətinin istefasını tələb ediblər.