Gürcüstanın Xarici İşlər naziri İsveçrənin Gürcüstandakı səfirliyi vasitəsilə Rusiyaya daha bir nota göndərib.

Axar.az xəbər verir ki, notada Gürcüstan tərəfi Qori rayonunun Çitelubani kəndində yenidən qeyri-qanuni sərhəd bannerinin peyda olmasına etiraz edib. Tiflis həmçinin iyul ayında qeydə alınan digər pozuntuları da etiraz məktubuna əlavə edib.

Bu, artıq son bir neçə ay ərzində Gürcüstanın Rusiyaya verdiyi ikinci notadır.

Bir müddət öncə Gürcüstanın iki kəndi ilhaq edilərək Cənubi Osetiyanın sərhədləri daxilinə salınmışdı. Sərhəd dəyişikliyi nəticəsində Bakı-Supsa kəmərinin bir hissəsi separatçı qurumun ərazisinə düşüb.