Ana səhifə Gündəm |
Güney Azərbaycanın Əhər şəhərində fars şovinizminə qarşı keçirilən aksiyalarda iştirak edən 2 azərbaycanlı bacı - Günəş və Pinar Molla Abbasi həbs edilib.
Axar.az xəbər verir ki, bu barədə informasiyanı Güney Azərbaycan Milli Azadlıq Cəbhəsi yayıb. Həbsi İran Kəşfiyyat Nazirliyi (ETTELAAT) həyata keçirib. Hər iki şəxs öz evlərində yaxalanaraq, naməlum istiqamətdə aparılıblar.
Həbs edilən Pinar Molla Abbasinin 20, Günəş Molla Abbasinin isə 15 yaşı var.
Qeyd edək ki, dünən Əhərdə İran şovinizminə qarşı aksiyalar keçirilib. Aksiyalar zamanı 25 nəfər həbs edilib. Hələlik soydaşlarımızın harada saxlanıldığı haqqında heç bir məlumat verilmir.
Bir müddət öncə Ərdəbil, Meşginşəhrdə keçirilən aksiyalar zamanı həbs edilən soydaşlarımızın sayının 50-dən yuxarı olub.
Tarix
2015.11.13 / 23:23
|
Müəllif
İlkin Həsənov
|