Türkiyə ordusu istənilən an Rusiyanın hərbi arsenalını məhv etməyə qadirdir.

Axar.az xəbər verir ki, bunu Rusiya Dövlət Televiziyasında yayımlanan növbəti debatda iştirak edən polyak politoloq Yakub Koreyba söyləyib.

Onun sözlərinə görə, Türkiyə "Qazprom"u məhv etmək qabiliyyətinə sahibdir:

"Mən Türkiyəyə siyasi cəhətdən nə lazım olduğunu bilirəm. Rusiya ilə eskalasiyaya getmək lazımdır ki, onun dünya iyerarxiyasında yerini göstərəsən. Bu, sonuncu addım deyil. Belə bir neçə addımdan sonra Türkiyə öz hava məkanını Rusiyanın üzünə bağlayıb, "Aeroflot"u məhv edəcək. Ən əsası isə Türkiyə "Qazprom"u məhv edəcək. Azərbaycan, İran və Qətərlə yeni qaz kəmərləri ilə bağlı müqavilə imzalamaqla "Qazprom"u bütün Cənubi Avropadan qovacaq".

Qeyd edək ki, dünən Koreyba "Rossiya" telekanalında yayımlanan Vladimir Solovyovun da verlişində iştirak edib. O, bu verlişdə də Türkiyənin mövqeyini müdafiə edib.