Biz Azərbaycan yüksək vəzifəli nümayəndəsinin Qarabağa qayıtmaq istəyən ermənilərin hüquqlarının təminatı, təhlükəsizliyi və iqtisadi rifahı ilə bağlı son bəyanatlarını alqışlayırıq.

Axar.az xəbər verir ki, bu sözləri Rusiya Xarici İşlər Nazirliyinin rəsmi nümayəndəsi Mariya Zaxarova bu gün keçirdiyi brifinqdə bildirib.

“Mənə elə gəlir ki, bu, çox vacib və vaxtında verilən siqnaldır və biz, Rusiya sülhməramlı kontingenti xətti də daxil olmaqla, Bakı ilə İrəvanın barışması üçün prinsipial əhəmiyyət kəsb edən bu prosesi asanlaşdırmaq üçün əlimizdən gələni edəcəyik. Yeri gəlmişkən, biz bu bölgənin, bu ərazilərin sakinlərinin geri qayıtmasının qarşısını almaq üçün düşünülmüş çoxlu saxtakarlıqlar qeydə alırıq. Bəziləri bir növ xəyali təhdidlərlə qorxudulur, bəziləri evlərdən heç nə qalmadığı barədə yalan məlumat yayırlar. Bu doğru deyil. Biz indi aktiv şəkildə gedən bu məlumat kampaniyalarını görürük. Mənə elə gəlir ki, biz o rəsmi bəyanatlara, xüsusən də Azərbaycan nümayəndəsindən sitat gətirdiyim və indicə Rusiya tərəfinin verdiyi bəyanata əsaslanmalıyıq”, - Zaxarova qeyd edib.