Prezident İlham Əliyevin məmurlara tövsiyyə etdiyi "NAZ Lifan" markalı avtomobillərin kreditlə satışı həyata keçirilir.

Axar.az-ın məlumatına görə, Naxçıvan Avtomobil Zavodunun (NAZ) istehsal etdiyi bu maşınlar lizinqlə verilir.

Şirkətin Badamdar qəsəbəsində yerləşən filialının satış meneceri saytımıza bildirib ki, "NAZ Lifan X60" modelinin 2015-ci il buraxılışının ilkin ödənişi 1860 manatdır. Kredit 36 aylıq verilir və daxili ödənişlə həyata keçirilir. Menecer qeyd edib ki, sözügedən modeli almaq üçün 36 ay ərzində hər ay 373 manat ödəmək lazımdır.

"NAZ Lifan-320" modelinin ilkin ödənişi 1600, aylıq ödənişi (36 aylıq) 381 manatdır. "NAZ Lifan-720" modelinin ilkin ödənişi isə 2000 manatdır. Bu modelə sahib olmaq üçün 36 ay müddətində hər ay 373 manat ödəmək şərtdir.

Qeyd edək ki, bu qiymətlər NAZ ən son modellərinə aiddir.