Rəsmi Tehran indiyədək genişmiqyaslı hərbi əməliyyatlardan çəkinir, özünü əsasən döyüşkən ritorika ilə məhdudlaşdırır, lakin görünən “hərəkətsizlik” yalnız “İran şiri”nin tullanışa hazırlaşdığını göstərir.

Axar.az xəbər verir ki, bunu əslən erməni olan rusiyalı politoloq və şərqşünas Karine Gevorqyan deyib.

“Müşahidə edirəm ki, İran susmağa başlayır və bu susqunluq getdikcə daha da dəhşətli hal alır. Mən deyərdim ki, aslan “atılmağa” hazırlaşır. Axı İranın simvolu şirdir. Son vaxtlar sosial şəbəkələrin İran seqmentində Tehranda olduğu kimi Ermənistanda da məşhur olan “Günəş” simvolizminə rast gəlmək olar. Bu şir niyə hücuma hazırlaşır? Çünki İran yüksələn bir gücdür. Əlbəttə ki, indi elita hərəkətsizlik nümayiş etdirir, lakin diqqət edin ki, onun 40 yaşı var. Hazırda hakimiyyətdəkilər 1970-ci illərdə Amerika səfirliyini mühasirəyə alan tələbələrdir. Yəni bu, hörmətlə qarşılanan birinci nəsil və onların övladlarıdır. Çünki onların ataları qəhrəmandır. Kimsə İran üzərindən keçmək istəyən, onu tapdalayanların uğursuzluğunu görübmü? Monqollar, müxtəlif qəbilədən olan türklər və s. Bu pazl hər zaman geri qayıdır. Bu o deməkdir ki, bu ərazidə yaşayan etnik qruplar bir növ vahid sivilizasiya nüvəsinə malikdir. Düşünürəm ki, bu bünövrə 2,5 min il əvvəl qoyulub”, - o bildirib.