Uğursuz müharibədən sonra Paşinyan 2011-2012-ci illərdə mənim etmədiyimi Ermənistanda etdi – o, erməni “İvanişvilini” həbs etdi.

Axar.az Unikal-a istinadla xəbər verir ki, bunu Gürcüstanın sabiq prezidenti Mixail Saakaşvili deyib

O, rusiyalı milyarder Samvel Karapetyanın həbs edilməsini Ermənistanın Baş naziri Nikol Paşinyanın uğuru hesab edib.

Saakaşvilinin fikrincə, Cənubi Qafqazda baş verən proseslər birbaşa Rusiyanın Ukraynada zəifləməsinin nəticəsidir.

"Paşinyan rəsmən AB-yə üzvlük kursunu götürüb. Bakı NATO ilə əməkdaşlığa başlayıb, Azərbaycan Rusiyaya birbaşa təhlükə kimi baxır və öz siyasi, iqtisadi və mədəni ərazisini Rusiyanın təsirindən təmizləmək üçün fəal addımlar atır. Bundan başqa, Azərbaycanla Ermənistan arasında yaxınlaşma başlayıb ki, bu da Rusiyaya ən ağır zərbədir", - Saakaşvili vurğulayıb.