İranın Varamin şəhərindəki Qarçak həbsxanasında siyasi fəal Sumayyə Rəşidi faciəli şəkildə vəfat edib.

Axar.az xəbər verir ki, bu barədə "Azad İran" Teleqram kanalı xəbər verib.

Ailəsinin və onunla bir kamerada qalan məhbusların sözlərinə görə, Rəşidi ağır şəraitdə saxlanılıb və ciddi sağlamlıq problemlərindən əziyyət çəkib. Lakin onun tibbi yardım üçün müraciətləri nəzərə alınmayıb və ona yalnız ağrıkəsicilər verilib.

Sentyabrın 16-da Sumayyə Rəşididə qıcolmalar və əzələlərində kəskin ağrılar başlayıb, bundan sonra o huşunu itirib. Xəstəxanaya çatdırılmasına baxmayaraq, həkimlər onun həyatını xilas edə bilməyiblər.

İnsan hüquqları müdafiəçiləri onun ölümünə görə həbsxana rəhbərliyinin və təhlükəsizlik qüvvələrinin məsuliyyət daşıdıqlarını bildiriblər.

Eyni zamanda, İran məhkəmə sisteminin "Mizan Onlayn" nəşri ölüm səbəbini açıqlamayıb, lakin Rəşidinin "Xalq Mücahidləri Təşkilatının üzvü" olmaqda və "milli təhlükəsizliyə qarşı təxribat törətməyə cəhddə" ittiham edib.