Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
15 Oktyabr 2019


Nazirlikdən mühüm Keşikçidağ açıqlaması

Ana səhifə Hadisə
12 Punto 14 Punto 16 Punto 18 Punto

“Keşikçidağ” mağara-məbədlər kompleksi Azərbaycanın dövlət tarix-mədəniyyət qoruğudur.

Bunu Kult.az-a Mədəniyyət Nazirliyindən bildiriblər.

Qeyd olunub ki, kompleks Azərbaycanla Gürcüstan sərhəd zolağı boyunca 25 km-dək uzanaraq böyük bir ərazini əhatə edir:

"Ağstafa rayonunun mərkəzindən 75 km məsafədə, sonuncu yaşayış məntəqəsindən 28 km şimal-şərq istiqamətində yerləşir. Mağaralar kompleksi dəniz səviyyəsindən 750-950 metr hündürlükdə dağların cənub və cənub-şərq tərəfindəki sıldırım qayalıqları əhatə edir.

Qoruq ərazisində 70-ə qədər, yaşı iki min ilə gedib çıxan təbii və süni mağaralar var. Mağaralar kompleksində Qafqaz Albaniyası zamanı keçilməz qayalıqlarda inşa edilmiş 11 metr hündürlüyündə üçmərtəbəli qala, bir-birindən 1500 metr aralıda yerləşən və yerli daş materiallardan inşa olunmuş iki alban məbədi, tarixi atəşpərəstlik çağının yadigarı olan yerli əhali arasında suyu şəfaverici bulaq kimi istifadə edilən “Qüdrət bulağı” adlı inanc yeri var. Mağaralardan 3 km cənubda Son Tunc-Erkən Dəmir dövrünə aid 100-ə yaxın kurqan aşkarlanıb.

Prezident İlham Əliyevin 19 dekabr 2007-ci il tarixli sərəncamı ilə Ağstafa rayonun ərazisində Keşikçidağ silsiləsinin bir hissəsini əhatə edən mağaralar kompleksi Azərbaycan Respublikasının “Keşikçidağ” dövlət tarix-mədəniyyət qoruğu elan edilib.

Keşikçidağ mağara-məbədlər kompleksi qoruq kimi fəaliyyətə başladığı ilk gündən Mədəniyyət Nazirliyi elmi araşdırmaların aparılması üçün Azərbaycan Milli Elmlər Akademiyasının (AMEA) Arxeologiya və Etnoqrafiya, Memarlıq və İncəsənət, Tarix institutları ilə əməkdaşlıq edir".

Nazirlikdən bildirilib ki, qoruğun tanıdılması və ziyarətçilərin rahatlığını təmin etmək məqsədi ilə bir sıra işlər həyata keçirilib: "Turistlərin qoruğa gedişini asanlaşdırmaq məqsədi ilə yol istiqamət nişanları basdırılıb, abidə haqqında qısa məlumatlar olan yeni lövhələr qoyulub. “Keşikçidağ” Dövlət tarix-mədəniyyət qoruğu haqqında “Qədim yurdun daş kitabəsi” adlı sənədli film çəkilib. Bundan əlavə 2018-ci ildə “Virtual Keşikçidağ” adlı panoramik turun çəkilişləri istifadəyə verilərək qoruğun veb saytında yerləşdirilib".

Tarix
2019.07.19 / 12:15
Müəllif
Kult.az
Şərhlər
Digər xəbərlər

Tənqid olunan şeir dərsliyə salınıb? - Nazirlik

Vasim Məmmədəliyev dəfn edildi - Foto

İqtisadiyyat üzrə Nobel mükafatçıları açıqlandı

Həmkarı Zirəddini dəstəklədi: Azərbaycanda zəlzələ...

Türk alimlər ADU-ya toplaşdı: mühüm müzakirə - Foto

Özbək şair: Azərbaycan bizim ürəyimizdir! - Foto

Tanınmış jurnalist vəfat etdi

Elton ölkədən getdi: Şərəfsizlər, didin bir-birinizi...

Azərbaycanlı yazar Avstriyada vəfat etdi

Tanınmış jurnalistə ağır itki üz verdi

KULT
<>
Xəbər xətti
 
Axar.az'da reklam Bağla
Reklam
Bize yazin Bağla