Ana səhifə Hadisə |
Ölkədə koronavirusun yayılması səbəbilə ictimai nəqliyyatda gigiyenik qaydalar nəzərə alınaraq quraşdırılmış kiçik həcmli dispenserlər yararsız hala salınıb.
Axar.az xəbər verir ki, spirt və xüsusi dezinfeksiyaedici məhlul üçün nəzərdə tutulmuş dispenserlərin qapaqları çıxarılıb, bərkidildiyi yer boşaldılıb.
Məsələ ilə əlaqədar saytımıza açıqlama verən Bakı Nəqliyyat Agentliyinin mətbuat katibi Mais Ağayev bildirib ki, avtobuslara quraşdırılan sözügedən dispenserləri yararsız hala salan şəxslər kameralarla müəyyən edilib.
“Ancaq bizim məqsədimiz cəzalandırmaq deyil. Düşünürük ki, ictimai qınağa nail olmaqla bu kimi xoşagəlməz halların aradan qalxmasına nail ola bilərik. Bir daha sizin vasitənizlə əhaliyə və bunu edənlərə müraciət edərək, bildirmək istəyirik ki, belə hərəkətlərdən çəkinsinlər. Sərnişinlərimizi də belə hallara qarşı ictimai qınaq mövqeyində durmağa çağırırıq”, - o deyib.
Qurum sözçüsü bildirib ki, tam yararsız hala düşmüş dispenserlər yeniləri ilə əvəz ediləcək.
Tarix
2020.03.26 / 12:21
|
Müəllif
Nigar İxtiyarqızı
|