İmişli rayonu ərazisində yol-nəqliyyat hadisəsi baş verib. Minik avtomobilinin yoldan çıxması nəticəsində 3 nəfər xəsarət alıb.

Axar.az xəbər verir ki, yol qəzası rayonun Murğuzallı kəndi ərazisində qeydə alınıb.

Mirmansur Mirhəmzə oğlu Abdullayev "Mersedes" markalı avtomobillə hərəkətdə olarkən idarəetməni itirib və avtomobil yoldan çıxıb.

Hadisə zamanı sürücü ilə bərabər iki nəfər sərnişin - Uğur Dilavər oğlu Musalı və Mirsadiq Mirpərviz oğlu İsalı xəsarət alıb.

Yaralılar İmişli Rayon Mərkəzi Xəstəxanasına yerləşdirilib, onlara zəruri tibbi yardım göstərilib.

Xəstəxanadan bildirilib ki, hər üç şəxsin səhhəti normaldır.

Xəsarət alanlardan iki nəfəri məzundur. Faktla bağlı araşdırma aparılır.