00:47

ABŞ-ın Nyu York şəhərində helikopter Hudzon çayına düşüb.

Axar.az xəbər verir ki, bu barədə Nyu York polisi məlumat verib.

Qəza nəticəsində üç nəfərin öldüyü bildirilib.

Hazırda polis və xilasetmə qayıqları hadisə yerindədir.

Hadisənin hansı səbəbdən baş verdiyi barədə məlumat verilməyib.

***

Helikopterin Hudzon çayına düşməsi nəticəsində ölənlərin sayı 6-ya yüksəlib.

Məlumata görə, polis təyyarənin göyərtəsində pilot, 3 uşaq və 2 böyükdən ibarət ailənin olduğunu açıqlayıb. Ailə İspaniyadan gəlmiş turistlər olub. Helikopter qəzadan əvvəl 12 dəqiqə havada olub.

Hadisənin başvermə səbəbi araşdırılır.

***

Nyu Yorkda helikopterin çaya düşməsi nəticəsində Almaniyanın "Siemens" konserninin İspaniya üzrə filialının rəhbəri Aqustin Eskobar, onun həyat yoldaşı və üç övladı həlak olub.

Bu barədə "Nyu York Post" hüquq-mühafizə orqanlarındakı mənbəyə istinadən məlumat yayıb.

Mənbə A.Eskobar və onun ailəsinin helikopterin önündən çəkilmiş son fotolarını da dərc edib.

Helikopterin pilotunun kimliyi hələ müəyyən edilməyib.