Rusiyalı üzgüçü Nikolay Sveçnikov Türkiyədə yarış zamanı yoxa çıxıb.

Axar.az Oxu.az-a istinadla xəbər verir ki, bu barədə "Gazeta.ru" Teleqram kanalı məlumat yayıb.

Təcrübəli idman ustası "Bosfor-2025" kütləvi qitələrarası üzgüçülük yarışı zamanı gözdən itib.

Nikolay Sveçnikov ilk start götürənlərdən biri olub, lakin təxminən üç min nəfər içində finişə çatmayan yeganə insan o olub və təşkilatçılar yalnız 12 saatdan sonra bunun fərqinə varıblar.

Üzgüçü sahil mühafizəsi, dronlar və dalğıclar tərəfindən axtarılır, lakin axtarışlar hələlik nəticəsizdir. Türkiyənin rəsmi qurumları tərəfindən də araşdırmalara başlanılıb.

"Şot" Teleqram kanalı qeyd edir ki, Bosfor boğazını üzərkən itkin düşən üzgüçü Nikolay Sveçnikovun birinci körpünün yaxınlığında gücü tükənər və ya ayağında qıcolma baş vermiş ola bilər.

İdmançıların dediyinə görə, yarış zamanı onlar kürəyi üstə üzən oxşar adam görüblər. Başqa bir versiyaya görə, onu axın digər sahilə sürüklənmiş olar və ya marşrutun sonuna yaxın qıcolma baş vermiş ola bilər.

İdmançıların sözlərinə görə, bu il güclü əks cərəyan olub. "Bosfor-2025"in iştirakçılarından biri qeyd edib ki, 6.5 ​​kilometri 1 saata və ya 1 saat 20 dəqiqəyə üzməyi nəzərdə tutduğu halda, bu il 1 saat 46 dəqiqəyə başa vura bilib.