Misli Premyer Liqasında VIII tura bu gün start veriləcək.

Axar.az xəbər verir ki, ilk oyun günündə iki matç keçiriləcək.

Açılış qarşılaşmasında "Şamaxı" "Kəpəz"i qəbul edəcək. Görüş saat 14:30-da start götürəcək. Meydan sahibləri 9 xalla 7-ci pillədə qərarlaşıb. Bütün oyunlarda uduzan Gəncə klubu isə sonuncu - 12-ci sıradadır.

Günün ikinci matçında "Qarabağ" "Turan Tovuz"la üz-üzə gələcək. Bu qarşılaşma saat 19:00-da başlayacaq. Tovuz klubu 15 xalla çempionatın lideridir. Rəqiblərindən bir görüş az keçirən Ağdam təmsilçisi 13 xalla üçüncüdür.

Misli Premyer Liqası

I dövrə, VIII tur

17 oktyabr

14:30. "Şamaxı"– "Kəpəz"

Hakimlər: Əliyar Ağayev, Zeynal Zeynalov, Akif Əmirəli, Əkbər Əhmədov.

VAR: Rəşad Əhmədov.

AVAR: Zöhrab Abbasov.

Hakim-inspektor: Asim Xudiyev.

AFFA nümayəndəsi: Azər Əsgərov.

Şamaxı şəhər stadionu

19:00. "Turan Tovuz" – "Qarabağ"

Hakimlər: Elçin Məsiyev, Elşad Abdullayev, Pərvin Talıbov, Kamranbəy Rəhimov.

VAR: Kamal Umudlu.

AVAR: Vüsal Məmmədov.

Hakim-inspektor: Babək Quliyev.

AFFA nümayəndəsi: İlham Əliyev.

"Azərsun Arena"

Qeyd edək ki, VIII tura oktyabrın 19-da yekun vurulacaq.