İspaniya yığma komandasının və "Barselona"nın futbolçusu Lamin Yamal azarkeşlərə pulsuz avtoqraf verə bilməyəcək.

Axar.az Oxu.az-a istinadla xəbər verir ki, 18 yaşlı futbolçu öz avtoqrafı olan malları (butslar, formalar və digər əşyalar) satacaq bir şirkətlə yeni müqavilə imzalayacaq.

Gənc ulduzun imzası olan unikal malların qiymətini aşağı salmamaq üçün Yamaldan avtoqrafları pulsuz verməmək tələb olunub.

Müqavilə rəsmən bağlanmasa da, tərəflərin ortaq razılıq əldə etdikləri vurğulanır.

Qeyd edək ki, Lamin Yamal "Adidas", "Beats", "Powerade", "Oppo", "Konami" və "Nesquik" də daxil olmaqla bir çox tanınmış brendlərin simasıdır və eyni zamanda, UNICEF-in səfiridir.