20:00

UEFA Konfrans Liqasında mübarizə aparan təmsilçimiz "Zirə" Gürcüstanda "Torpedo Kutaisi" komandasına qarşı cavab oyununa çıxıb.

Axar.az xəbər verir ki, qarşılaşma Kutaisidəki Ramaz Şengeliya stadionunda baş tutur.

***

Qarşılaşmada ilk qolu Azərbaycan təmsilçisi vurub.

25-ci dəqiqədə Eren Aydın fərqlənib.

***

39-cu dəqiqədə Amin Seydiyev fərqlənib: 2 - 0

***

Komandamız 3-cü topu rəqibin qapısından keçirib.

Eren Aydın 70-ci dəqiqədə dubl müəllifi olub: 3 - 0

***

"Zirə" UEFA Konfrans Liqasında II təsnifat mərhələsinə vəsiqə qazanıb.

Rəşad Sadıqovun baş məşqçisi olduğu kollektiv I təsnifat mərhələsinin cavab oyununda Gürcüstanın "Torpedo" komandasının qonağı olub.

Kutaisidəki "Şengeliya Arena"da keçirilən qarşılaşma Azərbaycan təmsilçisinin qələbəsi ilə yekunlaşıb - 3:0.

Sumqayıtdakı ilk matçda rəqibini üç cavabsız qolla üstələyən "Zirə" II təsnifat mərhələsinə vəsiqə qazanıb. "Qartallar" bu raundda Estoniyanın "Payde" klubu ilə üz-üzə gələcək. II təsnifat mərhələsinin matçları iyulun 23-ü və 30-da keçiriləcək.