Azərbaycan millisinin hücumçusu Mahir Emrelinin karyerasını Polşada davam etdirəcəyi dəqiqləşib.

Axar.az Qol.az-a istinadən xəbər verir ki, 28 yaşlı futbolçu yerli “Rakov” klubunda oynayacaq. O, müqavilə ilə məxsus olduğu “Kayzerslautern”dən (Almaniya) Polşa təmsilçisinə bir illik icarə əsasında keçəcək.

Hazırda Mahir agenti ilə birgə Polşadadır və tibbi müayinədən keçdikdən sonra “Rakuv”la münasibətləri rəsmiləşdirəcək.

“Rakuv” 2026/27 mövsümündə Polşanı Konfrans Liqasında təmsil edəcək. Lakin müqavilə bağlanılmadığından Mahirin adı dünən ikinci mərhələ üçün UEFA-ya göndərilən “Valletta” (Malta) ilə oyunlar üçün sifariş ərizəsinə salınmayıb. Amma komanda növbıti mərhələyə adlasa, biz Mahiri yenidən avrokubokda görə bilərik.

Yeri gəlmişkən, "Rakuv" - "Valletta" cütlüyü 3-cü mərhələdə “Neftçi” və “Zirə”nin potensial rəqiblərindəndir.

Xatırladaq ki, “Rakuv” Emrelinin karyerasında ikinci Polşa klubu olacaq. O, 2021/22 mövsümündə “Legiya”nın heyətində çıxış edib. Onun Varşava klubundakı karyerası azarkeşlərin komanda avtobusuna hücumundan sonra yarımçıq başa çatmışdı.

Qeyd edək ki, “Rakuv” Azərbaycan futboluna tanış rəqibdir. 2023/24 mövsümündə bu komanda Çempionlar Liqasının 2-ci mərhələsində “Qarabağ”ı mübarizədən kənarlaşdırıb.