Futbol tarixinin ən mübahisəli məqamlarından birinin şahidi olan tarixi oyun topu hərraca çıxarılıb.

Axar.az Musavat.com-a istinadən xəbər verir ki, 2020-ci ildə həyatını itirən futbol əfsanəsi, argentinalı Diyeqo Armando Maradonnanın 1986-cı il Dünya Çempionatının dörddəbir final matçında İngiltərəyə əli ilə vurduğu və tarixə "Tanrının əli" bəyanatı ilə düşən qolda istifadə edilən top Böyük Britaniyanın paytaxtı Londondakı "Graham Budd" hərrac evində 2,37 milyon dollara satışa çıxarılıb.

Həmin qarşılaşmanı idarə edən tunisli hakim Əli Bin Nasser vurulan mübahisəli qol haqqında bu sözləri deyib:

"Mən mövqeyi dəqiq görə bilmədim. Şilton və Maradonanın arxası mənə tərəf idi".