22:00

Bakıda keçirilən IV İslam Həmrəyliyi Oyunlarının açılışı başladı...

Axar.az xəbər verir ki, açılış mərasimi Olimpiya stadionunda keçirilir. 22:00-da başlayan açılışda Azərbaycanla bağlı qısa süjet təqdim edildi.

Daha sonra isə fəxri qonaqlar - Azərbaycan Prezidenti İlham Əliyev və Azərbaycanın Birinci vitse-prezidenti Mehriban Əliyevə arenaya daxil oldular..

Bakıdakı yarış Dörd əsas dəyər - “Birlik”, “Sülh”, “Hörmət”, “Mükəmməllik” dəyərləri üzərində qurulan Oyunlar “Gücümüz həmrəylikdədir” devizi altında keçirilir...

***

Oyunlarda iştirak edən ölkələrin rəsmi keçidindən sonra Mehriban xanım Əliyeva çıxış etdi. İdmançıları salamlayan Birinci xanım, “Sizin burada olmağınız bizim üçün şərəfdir. Biz bu gecə İslam aləmini bir araya gətiririk. Azərbaycan bundan qürur duyur”, - dedi.

Prezident İlham Əliyev isə IV İslam Həmrəyliyi Oyunlarının açılışını rəsmən elan etdi.