Axar.az
Yuxarı

"Zirə" və "İnter" növbəti mərhələdə - Yüz faizlik nəticə

Ana səhifə İdman
12 Punto 14 Punto 16 Punto 18 Punto

Bakının “İnter” futbol klubu UEFA Avropa Liqası yarışlarının ikinci təsnifat mərhələsinə vəsiqə qazanıb.

Axar.az xəbər verir ki, Bakı təmsilçisi iyulun 6-da turnirin birinci təsnifat mərhələsinin cavab oyunları çərçivəsində “Dalğa Arena”da Serbiyanın “Mladost” komandasını qəbul edib.

Görüşü fəal başlayan “İnter” matçın 23-cü dəqiqəsində istəyinə nail olub. Denis Silvanın qolu ilə rəqib komanda meydanın mərkəzinə dəvət olunub. Bu, Denis Silvanın avrokuboklarda üçüncü qolu olub. Belə ki, braziliyalı futbolçu 2014-cü ildə Bakının “Neftçi” klubunun heyətində Serbiyanın digər klubu “Partizan” ilə oyunda dubl edib.

Bakı təmsilçisi rəqib qapısı qarşısında bir neçə təhlükəli məqam yaratsa da, zərbələr qolla nəticələnməyib. Birinci hissəyə əlavə olunmuş vaxtda “Mladost”un futbolçusu Aleksandar Peyoviç kobud oyuna görə, ikinci sarı vərəqə aldığı üçün oyundan kənaraşdırılıb və Serbiya təmsilçisi azlıqda qalıb. Görüşün ilk hissəsi “İnter”in minimal üstünlüyü ilə yekunlaşıb – 1:0.

İkinci hissə də “İnter”in üstünlüyü şəraitində keçib. Görüşün 74-cü dəqiqəsində Pərdis Fərcad Azadın ötürməsini qolla tamamlayan Nizami Hacıyev “İnter” azarkeşlərini sevindirib.

Komandaların cəhdlərinə baxmayaraq oyunun sonunadək tabloda rəqəmlər dəyişməyib.

Beləliklə, görüş “İnter”in 2:0 hesablı qələbəsi ilə başa çatıb. Komandalar arasında bir həftə əvvəl Serbiyada keçirilən ilk oyunda da “İnter” qalib gəlib – 3:0. İki görüşün nəticəsinə görə, “İnter” UEFA Avropa Liqasının ikinci təsnifat mərhələsinə yüksəlib. Komandamızın növbəti rəqibi Lüksemburq təmsilçisi “Fola” olacaq.

"Differdange"-"Zirə" oyunu da Bakı komandasının qələbəsi ilə başa çatıb - 2:1.

Komandalar arasında bir həftə əvvəl Bakıda keçirilən qarşılaşma da "Zirə"nin 2:0 hesablı üstünlüyü ilə yekunlaşıb. İki oyunun nəticəsinə görə, "Zirə" UEFA Avropa Liqasının ikinci təsnifat mərhələsinə adlayıb.
"Zirə"nin növbəti mərhələdə rəqibi Rumıniyanın "Astra" klubu olacaq.

Tarix
2017.07.07 / 00:03
Müəllif
Axar.az
Şərhlər
Digər xəbərlər

"Qarabağ" - "Viktoriya": Onlayn bilet satışı dayandırıldı

Millətlər Kuboku: 5 boksçumuz finalda

İslam Oyunları: Azərbaycan 4-cü yerə yüksəldi

"Qarabağ" və "Turan" qalib gəldi

"Qarabağ" - "Viktoriya" matçı ilə bağlı yeni məlumat

"Viktoriya" bizə sürprizlər edə bilər - Qurbanov

Azərbaycan İslamiadada 12-ci qızılını qazandı

İslamiada: Daha 4 güləşçimiz finalda!

İslamiada: Millimiz finalda!

17 il sonra ilk: Messi "Qızıl top"a namizəd seçilmədi

KULT
<>
Xəbər xətti
Axar.az'da reklam Bağla
Reklam
Bize yazin Bağla