15:10

Özbəkistanın paytaxtı Daşkənddə keçirilən “Böyük dəbilqə” turnirində daha iki cüdoçumuz bürünc medal uğrunda mübarizə aparacaq.

Axar.az xəbər verir ki, Məmmədəli Mehdiyev (90 kq) ilk görüşündə Erlan Şerov (Qırğızıstan), daha sonra böyük britaniyalı Maks Stüart və estoniyalı Klen Kaljualidə qalib gələrək yarımfinala vəsiqə qazansa da, final uğrunda mübarizədə yerli idmançı Dovlat Bobonova məğlub olub. İdmançımız bürünc medal görüşündə Özbəkistanın digər təmsilçisi Şermuxammad Jandreyevlə qarşılaşacaq.

Uşangi Kokauri (+100 kq yuxarı) isə əvvəlcə Vinçentso Darko (İtaliya), daha sonra rusiyalı Anton Krivobokov və dörddəbir finalda finlandiyalı Marti Pyymalayneni məğlub edib. Yarımfinalda yaponiyalı Kokoro Kaqeyreyə uduzan idmançımız üçüncü yer uğrunda koreyalı Kim Minjonq ilə mübarizə aparacaq.

Komandamızın digər üzvü Aslan Mirzəyev (100 kq) isə ilk qarşılaşmada Otqonbatar Xlaqvasurenə (Monqolustan) məğlub olub.

***

Azərbaycan cüdoçusu Məmmədəli Mehdiyev Özbəkistanın paytaxtı Daşkənddəki "Böyük dəbilqə"də bürünc medal qazanıb.

90 kq çəki dərəcəsində yer alan 28 yaşlı idmançı 3-cü yer uğrunda görüşdə özbəkistanlı Şerməhəmməd Jandreyevi məğlubiyyətə uğradıb.

Qeyd edək ki, yığmamızın hesabına ilk bürünc medalı Rüstəm Orucov (73 kiloqram) yazdırıb. Dünyanın 71 ölkəsindən 500-ə yaxın cüdoçunun mübarizə apardığı turnirə Azərbaycan 12 idmançı ilə qatılıb.