Ana səhifə İdman |
Müqaviləm 2017-ci ildə başa çatır. Amma rəhbərliyin anlaşma müddətini növbəti Avropa çempionatının seçmə mərhələsinin sonunadək uzatmaq istədiyinə dair əlamətlər var. Yəni, mənə 2020-ci ilədək əməkdaşlıq təklifinin ediləcəyi mümkündür.
Axar.az-ın xəbərinə görə, bunu Azərbaycan millisinin baş məşqçisi Robert Prosineçki açıqlayıb.
Xorvat çalışdırıcı Serbiya mətbuatına deyib ki, ona əla şərait yaradılıb: "Yaxşı infrastruktur, sabit maliyyələşmə. Öz müqaviləmin maddi tərəfləri də yüksəkdir. Amma bu, elə də önəmli deyil. Düz bir il qabaq əvvəlki baş məşqçinin ayağına yazılan ardıcıl məğlubiyyətlərdən sonra dəvət aldım. Elə bir vaxt idi ki, yığma heç bir xal qazana bilməmişdi.
Ötən müddətdə irəliləyişə nail olduq, Maltanı yendik. Oyunçular təqdim olunduqlarından daha çoxuna layiq olduqlarını anlamağa başladılar. Azərbaycan döyüş növlərində yaxşı ənənələrə malikdir. Bu isə onların çox aqressiv və döyüşkən olmaları anlamına gəlir".
Tarix
2016.01.29 / 17:30
|
Müəllif
Emil Salamoğlu
|