"Qarabağ Misli Premyer Liqasında bu gün "Sumqayıt"la üz-üzə gələcək.

Axar.az xəbər verir ki, XXV turun matçı Mehdi Hüseynzadə adına Sumqayıt şəhər stadionunda keçiriləcək.

Qarşılaşma saat 19:30-da start götürəcək. "Köhlən atlar" hazırda 57 xalla liderdir. "Gənclik şəhəri" təmsilçisi 22 xalla 7-ci pillədə qərarlaşıb.

Turun açılış qarşılaşması isə Bakıda baş tutacaq. Saat 17:00-da "Səbail" və "Şamaxı" komandaları münasibətlərə aydınlıq gətirəcəklər. Paytaxt klubu 18 xalla sonuncu - 10-cu, qonaqlar 21 xalla səkkizincidir.

Misli Premyer Liqası

III dövrə, XXV tur

3 mart

17:00.“Səbail” – “Şamaxı”

Hakimlər: Əliyar Ağayev, Zeynal Zeynalov, Akif Əmirəli, İnqilab Məmmədov.

VAR: Rəşad Əhmədov.

AVAR: Namik Hüseynov.

Hakim-inspektor: Ömər Paşayev.

AFFA nümayəndəsi: Bəhram Qurbanov.

“ASCO Arena”

19:30. “Sumqayıt” – “Qarabağ”

Hakimlər: Rauf Cabarov, Rəhman İmami, Şirmamed Mamedov, Kamran Əliyev.

VAR: Kamal Umudlu.

AVAR: Rahil Ramazanov.

Hakim-inspektor: Ramil Diniyev.

AFFA nümayəndəsi: Eldəniz Musayev.

Mehdi Hüseynzadə adına Sumqayıt şəhər stadionu

Qeyd edək ki, tura martın 5-də yekun vurulacaq.