17:57

Azərbaycan millisinin futbolçusu Mahir Emreli çıxış etdiyi Almaniyanın "Nürnberq" komandasında iki qola imza atıb.

Axar.az xəbər verir ki, II Bundesliqanın 34-cü turunda səfərdə "Ayntaxt Braunşveyq" kollektivi ilə qarşılaşan "Nürnberq"in heyətində hesabı 10-cu dəqiqədə Mahir açıb.

Emreli matçın 20-ci dəqiqəsində də fərqlənərək hesabı 2-0-a çatdırıb.

Hazırda “Nürnberq” 2-0 hesabı ilə irəlidədir.

***

Azərbaycan milli komandasının futbolçusu Mahir Emreli "Nürnberq" klubunun heyətində Almaniya II Bundesliqasında son oyununu keçirib.

Səfər matçında rəqib "Ayntraxt Braunşveyq" olub.

Görüş qonaqların qələbəsi ilə yekunlaşıb - 4:1.

Meydana start heyətində çıxan Emreli het-trik edib. O, 10-cu, 20-ci və 45+1-ci dəqiqələrdə fərqlənib. 28 yaşlı hücumçu 83-cü dəqiqədə əvəzlənib.

Bununla da Emreli "Nürnberq"in heyətində II Bundesliqada vurduğu qol sayını 10-a çatdırıb. O, daha bir qolu Almaniya Kubokunda vurub.

Qeyd edək ki, bu nəticədən sonra "Nürnberq" çempionatı 48 xalla 10-cu pillədə başa vurub. Mahir Emreli isə klubla müqaviləni uzatmayaraq, yollarını ayırıb.