"Parabank" ASC müştərilərin şikayətləri ilə əlaqədar "Müştərinin səsi" proqramına başlayıb".

Bunu Axar.az-a açıqlamasında Bankın Filialların idarə edilməsi və nəzarət şöbəsinin müdiri Arzu Əzimova bildirib.

O, kampaniya çərçivəsində artıq iki şikayətin qeydə alındığını və onlardan 1-nin araşdırılaraq qərar qəbul edildiyini deyib:

"Filialların fəaliyyəti ilə bağlı şikayətlər Filialların idarə edilməsi və satış departamentində araşdırılır. Şikayət edən müştəriyə simvolik olaraq 10 manat məbləğində mükafat verilir. Artıq iki şikayət var. Onlardan biri araşdırılır, digəri isə araşdırılıb və qərar qəbul edilib. Müştəri girov qoymaq istədiyi əmlakın bank əməkdaşı tərəfindən girov kimi qəbul olunmaması ilə bağlı şikayət edib. Araşdırmadan sonra məlum olub ki, müştərinin girov qoymaq istədiyi əmlakın likvidliyi o qədər də yüksək deyil. Məhz bu, daxili qaydalarımıza uyğun gəlmədiyi üçün müştərinin girovu qəbul edilməyib".