Ana səhifə İqtisadiyyat |
"SOCAR Energy Georgia" şirkəti ötən il Gürcüstanda 47,1 min abonenti təbii qazla təmin edib.
Dövlət Neft Şirkətindən Axar.az-a verilən məlumata görə, ötən il Gürcüstanda 1000 kilometrdən artıq yeni qaz xәtlәri çəkilib. Nəticədə 47,1 min abonent təbii qazla təmin olunub.
Hazırda Gürcüstan üzrə təbii qazla təmin olunan abonentlərin sayı 410 mindən artıqdır. Şirkət bu ilin sonuna kimi Gürcüstanda təbii qazla təmin olunan abonentlərin sayını 480 minə çatdıracaq.
SOCAR ötən il ərzində Gürcüstan bazarına ümumilikdə 1,348 milyard kubmetr həcmində təbii qaz çatdırıb ki, bu da 2013-cü illə müqayisədə 10,5% çoxdur. Təkcə "SOCAR Georgia Gas" MMC vasitəsilə Gürcüstan bazarına 798 milyon kubmetr kommersiya təyinatlı təbii qaz idxal olunub.
Qeyd edək ki, "SOCAR Georgia Gas" MMC 2014-cü ildə Gürcüstanın qazlaşdırılması layihələrinə təxminən 21,4 milyon dollar məbləğində sərmayə yatırıb.
Tarix
2015.02.16 / 20:36
|
Müəllif
İlham Sahiloğlu
|