Əziz və dəyərli jurnalistlər! Hər birinizi Azərbaycan Milli Mətbuat Günü münasibətilə təbrik edirəm.

Axar.az xəbər verir ki, bu sözləri xalq artisti Aygün Kazımova Milli Mətbuat Günü münasibətilə təbrikində deyib. O, mətbuat işçilərinə arzularını da çatdırıb:

"Peşə bayramınızda hər birinizə işlərinizdə uğur arzu edirəm. Çalışdığınız sahə həm məsuliyyətli, həm də çox qiymətlidir. Bütün yaradıcılığım boyu demək olar ki, hər zaman yanımda olmusunuz. Hər zaman birgə addımlamışıq. Buna görə Sizə təşəkkür edirəm. Keçilən çətin, məsuliyyətli, keşməkeşli 141 il mətbuatımızın daim inkişafına yönəlib. Qələminiz hər zaman iti, sözünüz hər zaman kəsərli, imzanız isə hər zaman tanınan olsun! Bayramınız mübarək!"

Qeyd edək ki, Azərbaycanda Milli Mətbuat Günü iyulun 22-də, 141 il əvvəl Həsən bəy Zərdabi tərəfindən ilk çap nəşrin - "Əkinçi" qəzetinin buraxıldığı gündə qeyd edilir.